Trajneri i ri i Real Madridit: Një madrilen me zemër dhe tifoz i flakët i Leo Messit

PUBLIKUAR

Trajneri i ri i përkohshëm i Real Madridit, Santiago Solari, gjithmonë ka qenë i zëshëm në mbështetjen dhe respektimin e Lionel Messit të Barcelonës.

Para se ta emërohej trajner i Real Castillas, argjentinasi punoi si kolumnist në një gazetë dhe në njërin prej artikujve të vet e lartësoi talentin e bashkëkombësit të tij, transmeton Express.

“Për Messin është e natyrshme të shënojë [gola], njëlloj si stuhitë, vetëtimat, uraganet që janë fenomen atmosferik”, pati shkruar ai.

“Sa herë që Messi e merr topin, toka dridhet, të gjithë heshtin dhe trajnerët rivalë e zhytin kokën midis krahëve dhe i fusin duart në xhepa, sikur një person që sapo e ka parë vetëtimën dhe nuk ka zgjidhje tjetër pos ta presë bubullimën”.

Ai pati folur edhe për dallimin mes Messit dhe Cristiano Ronaldos.

“Cristiano është lojtari më i mirë në botë sepse Messi luan sport tjetër,” pati thënë ai.

Më 2016, Solari e tha haptazi dëshiron për ta parë Messin në fanellën e Real Madridit.

“Messi ka shënuar një epokë, që fatkeqësisht për ne, është në Barcelonë. Sikur të kishte ndodhur këtu në Real Madrid”, pati thënë ai për ESPN.

“Real Madridi i do më të mirët, por fatkeqësisht nuk ka mundur ta ketë Messin, edhe pse kemi lojtarë të mëdhenj”.

Solari do të jetë trajner i Madridit rreth dy javë, derisa klubi ta gjejë zëvendësuesin e Julen Lopeteguit të shkarkuar të hënën në mbrëmje.

/Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...