Trajneri i Lyonit: Mund ta eliminojmë Barcelonën

PUBLIKUAR

Trajneri i Lyonit, Bruno Genesio, është shumë i lumtur me barazimin 0:0 që e arriti skuadra e tij në ndeshjen e së martës, kundër Barcelonës, në kuadër të fazës së 1/8 të finales së Ligës së Kampionëve.

Pasi Barcelona nuk arriti ta shënojë asnjë gol si mysafir, gjasat që Lyoni të kalojë në fazën e çerekfinaleve janë mjaft të mirë. Kualifikimin në fazën tjetër mund ta sigurojë edhe vetëm me barazim me gola në Camp Nou, transmeton Gazeta Express.

“Është mirë që e mbajtëm portën e paprekur dhe i rezistuam një skuadre të mrekullueshme të Barcelonës. Edhe pse disa njerëz mund të kenë menduar se ata nuk ishin në formë, ata luajtën në nivelin e tyre”, ka thënë Genesio.

“Skuadra ime është duke u përmirësuar dhe mendoj se është një gjë shumë e mirë që ne kemi mundësi të kualifikohemi në fazën tjetër. Ende nuk dihet fituesi i kësaj gare”.

“Ne e kemi një përzierje mes kënaqësisë dhe zemërimit që nuk arritëm më shumë. Nuk arritëm të sulmojmë ashtu siç donim në pjesën e dytë të ndeshjes, pasi që na mungonte kualiteti për t’i sjellë probleme Barcelonës”.

“Ne bëmë punë mjaftueshëm të mirë, veçanërisht në pjesën e parë, para se ritmi i lojës të binte në pjesën e dytë”. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...