Trajneri i Gjermanisë, Joachim Low, është shumë i kënaqur me fitoren dramatike kundër Holandës të dielën mbrëma, falë golit të vonshëm të Nuco Schulz në ndeshjen e vlefshme për kualifikime në EURO 2020.

Gjermania e mposhti 3:2 Holandën në një ndeshje të Grupit C kualifikues tejet dramatike në Amsterdam të dielën, transmeton Gazeta Express.

I pyetur nëse ishte i lumtur, trajneri gjerman tha: “Jam shumë i kënaqur. Ndihem shumë mirë. Nuk mendoj më se çfarë ndodhi gjatë vitit të kaluar, e kam tejkaluar”.

Leroy Sane dhe Serge Gnabry me dy golat e tyre në pjesën e parë i dhanë Gjermanisë një kontroll të plotë në këtë ndeshje, por vendasit reaguan në pjesën e dytë.

Matthijs de Ligt dhe Memphis Depay shënuan duke e barazuar rezultatin në 2:2.

Megjithatë, Schulz shënoi në minutën e 90-të duke i siguruar gjermanëve një fitore dramatike. /Gazeta Express/