Bayern Munich e nisi sezonin e ri aty ku e la.

Në ndeshjen e parë, në shtëpi, e turpëroi Schalken duke i shënuar 8 gola.

Megjithatë, trajneri i kampionëve thotë se futbollistët e tij kanë mundur dhe është dashur të shënojnë më shumë.

“Ne luajtëm ndeshjen e parë të kampionatit, por duhet t’i marrim gjërat ngadalë”, u shpreh ai.

“Kemi luajtur shkëlqyeshëm, por duhej të kishim shënuar edhe dy, tre, mbase edhe katër gola në pjesën e parë”.

“E rëndësishme është se treguam që jemi në rrugën e duhur edhe këtë sezon”.

“Unë jam shumë i kënaqur me performance e skuadrës. Ky start është tani pikë referimi si për Gnabry dhe Sane, ashtu edhe për të gjithë skuadrën”. /Gazeta Express/