Ish trajneri i Romës, Zdenek Zeman, i ka dalë në mbrojtje Francesco Tottit duke thënë se ai është vetë Roma.
Zeman që ishte trajner i Giallorossëve në sezonin 2012-13, ka dalë në mbrojtje të Tottit pasi ky i fundit ishte sulmuar nga Luciano Spalletti.
“Totti është Roma”, ka thënë Zeman për Corriere dello Sport.
“Nuk mendoj se është e mundur të harrohet ajo çfarë ka bërë Francesco në 20 vite”.
“Ai i ka dhënë çdo gjë Romës. Shohë shumë njerëz që flasin për të, pa e pasur idenë se kush është ai”.
“Për mua ai nuk ka mbaruar. E di që është e vështirë që të bëhesh trajner, por trajnerët edhe mund të bëjnë gabime” ka thënë Zeman./Telegrafi/
