Aston Villa e ka nisur me fitore vitin 2023 në Premierligë.
Në ndeshjen e vlefshme për javën e 18-të, skuadra e drejtuar nga Unai Emery shënoi fitore të madhe në udhëtim te Tottenham Hotspur, shkruan Gazeta Express.
Ndeshja e zhvilluar sot në “Tottenham Hotspur Stadium” përfundoi me rezultatin 0:2.
Emiliano Buendia (50′) dhe Douglas Luiz (73′) shënuan golat e fitores për mysafirët.
Aston Villa pas kësaj fitore ka 21 pikë dhe renditet në pozitën e 12-të në tabelë, kurse Tottenhami është i pesti me 30 pikë. /Gazeta Express/
