Tottenhami po planifikon të përforcohet në qendër të mbrojtjes për sezonin e ardhshëm.

Spurs madje i kanë idetë e qarta se ku të “peshkojnë” verën që vjen.

Sipas mediave britanike, klubi anglez do të zbarkojë në Itali pas pak muajsh për ta kryer një transfer të rëndësishëm.

Sipas “GiveMeSports”, klubi londinez është i interesuar për qendërmbrojtësin e Interit, Stephan de Vrij, përcjell “Gazeta Express”.

30 vjeçari pëlqehet nga trajneri Antonio Conte, me të cilin kishte punuar në Inter sezonin e kaluar.

Kontrata e ish-futbollistit të Lazios do të skadojë në verën e vitit 2023.

Kështu që, Interi duhet ta pranojë një ofertë më të ulët për mbrojtësin holandez, i cili mund të largohet pa para vitin tjetër nëse kampioni aktual italian nuk e shet qysh këtë verë.

Palët nuk kanë negociuar për një kontratë të re eventuale. /Gazeta Express/