Toronto shkruan historinë, shpallet kampion i NBA

PUBLIKUAR

Toronto Raptors e mposhti kampionin e sezonit të kaluar, Golden State Warriors, me rezultat 114:110 në ndeshjen e gjashtë finale, për ta fituar kështu titullin e parë të NBA në histori të klubit.

Raptors e fitoi serinë finale kundër Warriors 4:2. Kawhi Leonard u shpall Lojtari Më i Vlefshëm i Finaleve të NBA, pasi i shënoi mesatarisht 28.5 për ndeshje në serinë finale, transmeton Gazeta Express.

“Ishte një dreq sezoni”, tha trajneri i Torontos, Nick Nurse, pasi skuadra e tij e siguroi titullin e vetëm të klubit kanadez në historinë e tyre 24-vjeçare.

“Kjo është arsyeja pse unë luaj basketboll; për këtë gjë unë punoj shumë”, shtoi Leonardi.

Warriors, që erdhën në finale me dy titujt e fundit të NBA dhe i kishin fituar tri nga katër kampionatet e fundit, ishin në këtë sfidë pa Kevin Durantin e lënduar, ndërsa e humbën edhe Klay Thompson për shkak të një lëndimi të gjurit në çerekun e tretë.

Stephen Curry e pati mundësinë për ta barazuar serinë, mirëpo e humbi trepikëshin kur Warriors po humbiste vetëm për një pikë (111:110), para se Leonardi ta siguronte fitoren për mysafirët.

Toronto Raptors vs Golden State Warriors – Full Game 6 Highlights | June 13, 2019 NBA Finals

Toronto Raptors vs Golden State Warriors – Full Game 6 Highlights | June 13, 2019 NBA Finals | 2019 NBA Playoffs 📌 SUBSCRIBE, LIKE & COMMENT for MORE!

Kjo ishte ndeshja e fundit e Warriors në Oracle Arena para se ata të transferohet në Chase Cetner në San Francisco.

Draymond Green i Golden State, i cili i shënoi 11 pikë, tha: “Të gjithë në këtë skuadër luajtën me shumë zemër. Mirëpo, kjo nuk mjaftoi për pak”.

Raptors është klubi i parë kanadez që e fiton një titull të madh sportiv të Amerikës së Veriut, që kur Toronto Blue Jays e fituan titullin e Major League Baseboll në vitin 1993. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...