Ka përfunduar me fitore të kampionit, 2-1, derbi torinez ndërmjet Juventusit dhe Torinos, i vlefshëm për javën e 13-të të Serie A.
Bianconerët nuk e bënë lojën e tyre të zakonshme të rrjedhshme në fraksionin e parë dhe dukeshin të lëndueshëm në krahë. Ata arritën të shënojnë një gol, por të njëjtën gjë e bëri edhe kundërshtari.
Arbitri akordoi penalti për bardhezinjtë pas ndaljes me dorë të topit nga goditja e lirë e Pirlos. Arturo Vidal e ekzekutoi dy herë penaltinë dhe ishte i saktë për epërsinë e kampionit (15’).
Mirëpo, Bruno Peres ishte i jashtëzakonshëm në një solo aksion duke arritur ta barazojë rezultatin (22’).
Gjerat u përkeqësuan për juventinët në gjysmën e dytë, kur Stephan Lichtsteiner u përjashtua me kartonin e dytë të verdhë (78’), ashtu që ekipit të Allegrit i mbeti që ta mbronte rezultatin.
Megjithatë, mjeshtri Andrea Pirlo ishte njeriu që e fitoi Derby della Mole me një gol në minutat shtesë (90’+3).
Diferenca aktuale me Romën është gjashtë pikë. Giallorossët sonte (e diel) zhvillojnë kryendeshjen e javës kundër Interit. /Telegrafi/