Viti 2014 ishte padyshim një nga vitet më interesante në botën e futbollit.

Telegrafi ju sjell disa prej thënieve më interesante në botën e futbollit gjatë këtij viti.

Presidenti i Federatës italiane, Marcello Nicchi: ‘”Ne të gjithë ëndërrojmë ta shohim Monica Belluccin të zhveshur”.

Sulmuesi i italian, Mario Balotelli: “Nëse e mposhtim Kosta Rikën, dua një puthje në faqe nga mbretëresha e Britanisë së Madhe’”.

Tanimë ish-trajneri i Brazilit, Felipe Scolari, pas humbjes turpëruese nga Gjermania: “Kjo është dita më e keqe në jetën time”.

Kapiteni i Liverpoolit dhe i Anglisë, Steven Gerrard, pasi humbi titullin e Ligës Premier dhe pas eliminimit në fazën e grupeve nga Botërori:‘”Këta ishin tre muajt më të këqij në karrierën time”.

Ish-trajneri i Juventusit, Antonio Conte: “Nuk mund të shkoni në një restorant me tre yje, me dhjetë euro në portofol”.

Walter Mazzarri, katër ditë para shkarkimit: “Lojtarët u paraqitën më dobët në pjesën e dytë ndaj Veronas, por kjo ishte normale sepse filloi shiu”.

Trajneri i Sampdorias, Sinisa Mihajloviq: Një stadium pa tifozë, është si një grua pa gjoks”. /Telegrafi/