Playmejkeri i San Antonio Spurs, legjenda Tony Parker, është deklaruar i gatshëm për play offin e NBA.
Organizatori i lojës së San Antonios vitin e kaluar u ballafaqua me lëndime para play offit, por forma e tij këtë vit përkundër moshës është mjaft e mirë.
“Ndihem mirë, ndihem shëndetshëm. Krahasuar me vitin e kaluar, ndihem pa dyshim shumë më mirë. Jam në formë për play off”.
“Kemi një javë për t’u përgatitur për play off. Shumë mirë që kemi barazuar rekordin e Boston Celtics për fitore në shtëpi gjatë sezonit të rregullt. Tash është koha për play off dhe t’i ekzekutojmë më së miri urdhërat e Popps”, u shpreh Tony Parker, shkruan Telegrafi.
Tony Parker realizoi 20 pikë në ndeshjen e djeshme ndaj Oklahoma City Thunder. /Telegrafi/
