Kryeministri i Shqipërisë, Edi Rama, sot e pret në takim presidentin e Serbisë, Aleksandër Vuçiq, me të cilin do të bisedojë rreth nismës “Open Balkan”, raporton Express

Në pritje të presidentit serb, rrugëve të kryeqytetit shqiptar po valëvitet flamuri i Serbisë.

Përveç pritjes shtetërore që do t’i bëhet, Vuçiq do të pritet në Tiranë edhe me një protestë.

Ish-kryeministri i Shqipërisë, Sali Berisha, ka paralajmëruar se protesta kundër Vuçiq dhe Ballkanit të Hapur do të fillojë në orën 16:00.

Në Tiranë sot do të shkojë edhe kryeministri i Maqedonisë Zoran Zaev, në kuadër të agjendës së “Ballkanit të Hapur”.

Punimet e këtij samiti do të zhvillohen në një hotel në qendër të Tiranës, ndërsa në orët e pasdites është paralajmëruar një konferencë për shtyp e liderëve të tre vendeve./GazetaExpress/