Santiago Solari ka mahnitur tifozët e Real Madridit gjatë ndeshjeve në të cilat e ka udhëhequr skuadrën deri tani si trajner i përkohshëm, sipas të cilëve klubi duhet ta mbajë atë në këtë rol deri në verë.
Të pyetur nga e përditshmja spanjolle “AS” të enjten se a duhet argjentinasi të mbetet trajner i Madridit deri në verë, shumica absolute thanë po, transmeton Express.
82% të 56.535 votuesve që iu përgjigjen pyetjes së AS-it se a duhet Solari të jetë në stolin e Madridit deri në verë, votuan me po, ndërsa vetëm 18% i bën thirrje klubit ta sjellë dike tjetër në stol.
Ama, nuk janë vetëm përkrahësit ata që janë të pëlqimit që Solari ta vazhdojë qëndrimin në stolin e klubit, drejtimin e të cilit e mori përkohësisht pas shkarkimit të Julen Lopeteguit në fund të muajit të kaluar.
Edhe pse Dani Carvajal tha javën e kaluar se Lopetegui ishte trajneri më i mirë që kishte pasur deri tani, Solari ka marrë përkrahje publike nga anëtarët tjerë të zhveshtoren e Madridit pas fitores së thellë 5-0 ndaj Viktoria Plzen të mërkurën në Ligën e Kampionëve.
“Solari duhet të qëndrojë deri në fund të sezonit”, tha Karim Benzema, për shembull. /Express/
