Shkolla Ismajl Luma në Lipjan përmes një postimi në facebook ka treguar për dëmtimin e disa gjamave dhe dëmtime të tjera që janë bërë nga përsona të panjohur.

“Të nderuar prindër, nxënës, qytetarë të Lipjanit e veçanti qytetarë të Jetës së re, këto janë pamjet nga dita e djeshme të dëmtimit të xhamave të dritareve dhe demolimit të bibliotekës mlasave të shkollës në pnf Jeta e re”, ka bërë të ditur shkolla Ismajl Luma.

“Ky është rasti i katërt brenda një viti shkollor që persona të pandërgjegjshëm thyejn, hynë, jedhin dhe demolojnë obnektin e shkollës.
Ju informoj që vetëm para dy javëve kemi bërë ndërrimin e xhamave të dëmtuar dhe përsëri të njëjtit dëmtohen. Për këtë janë të informuar edhe organet kompetente.
Është e pakuptueshme se si një vatër e diturisë në vazhdimësi të dëmtohet”, thuhet në njoftim

“Ftojmë të gjithë qytetarët që kanë njohuri për personat të cilët kryejnë akte të tilla vandale të bashkëpunojnë me ne dhe organet kompetente për të gjetur kryesit e këtyre veprave. Personat e tillë nuk ia duan të mirën shkollës dhe as vendit”, thuhet në fund.