“Qëllimi kryesor i filmbërësve por edhe i artistëve tjerë është të shihen vepra e tyre nga sa më shumë qytetarë. Për këtë arsye gëzohem që Think Twice është duke u përzgjedhur në shumë festivale të filmit dhe është duke u shikuar nga mijëra qytetarë anekënd botës” u shpreh për KultPlus regjisori Shillova
Think Twice, filmi i animuar i regjisorit Naser Shillova vazhdon rrugëtimin në festivalet e ndryshme të filmit në shumë vende të botës. “Më vjenë mirë që filmi im është duke u prezantuar edhe në vendet të cilat ende nuk e kanë njohur pavarësinë e Kosovës dhe kjo më bënë të lumtur që jam duke dhënë një kontribut për vendin tim. Qëllimi kryesor i filmbërësve por edhe i artistëve tjerë është të shihen vepra e tyre nga sa më shumë qytetarë. Për këtë arsye gëzohem që Think Twice është duke u përzgjedhur në shumë festivale të filmit dhe është duke u shikuar nga mijëra qytetarë anekënd botës” u shpreh për KultPlus regjisori Shillova.
Së fundmi Think Twice është përzgjedhur në AnimFest në Greqi, Anifest Rozafa në Shqipëri, FunnyCat International Animation Festival në Rusi, International Childrens Film Festival në Indi, TMC London Film Festival në Angli, Finow International Film Festival në Gjermani, Ridgefield Independent Film Festival në Amerikë, Silent Movie World Festival në Ukrainë, International Animation Awards në Brazil dhe Barcelona Planet Film Festival në Spanjë./KultPlus.com
