Thiago Alcantara mund të rikthehet kundër Freiburgut të shtunën pasi Bayern Munich ka konfirmuar se lojtari nuk vuan nga një lëndim serioz, transmeton Gazeta Express.

Pas ndeshjes me Shqipërinë, Spanja konfirmoi se lojtari ka lënduar kyçin e këmbës dhe është larguar nga lista për sfidën me Izraelin.

Në fillim u mendua se lëndimi është i rëndë për spanjollin pas dhimbjeve të shumta që ndjeu.

Por, testet mjekësore kanë konstatuar gjatë ditës së sotme se Thiago ka marrë vetëm goditje të rëndë kundër Shqipërisë dhe se do të jetë i gatshëm për ndeshjen e fundjavës. /Gazeta Express/