Presidenti në ardhje i Republikës së Kosovës, Hashim Thaçi, në vazhdën e takimeve me qytetarë pas zgjedhjes si President i Kosovës, sot ka vizituar një gjellëtore në Prishtinë.

Bëhet fjalë për njërën nga gjellëtoret më të vjetra në Prishtinë, “Tip-Top”, gjellëtore ku edhe vetë Hashim Thaçi ishte ushqyer në kohën kur ishte student.

“Sot, për drekë në gjellëtoren popullore “Tip Top”, aty, ku si shumë studentë të tjerë, jam ushqyer gjatë viteve të 90-a. Edhe sot takova studentë që ushqehen nga menyja tradicionale e bacës Ganë. HTH”, ka shkruar Thaçi në Facebook. /Telegrafi/