Këshilli Konsultativ për Komunitete, Këshilli Kombëtar për Integrim Evropian dhe Këshilli Kombëtar Kundër Korrupsionit, që funksionojnë në kuadër të Zyrës së Presidentes dhe askush nuk e di se cili ishte kontributi i tyre, në mandatin e ri presidencial të Hashim Thaçit pritet të shuhen në tërësi.
Nga burime brenda koalicionit qeveritar, Telegrafi mëson se Thaçi planifikon të bëjë reforma në Presidencë, duke u fokusuar vetëm në përgjegjësitë e tij kushtetuese dhe planifikon t’i shuaj këshillat me të cilat, thuhet se shpeshherë Presidenca është përzier në kompetenca të institucioneve të tjera.
Sipas këtij burimi, Thaçi synon të forcojë rolin e Presidentit, ta kanalizojë angazhimin e tij dhe të mos krijojë këshille dhe task-forca, veç sa për konsum të brendshëm. /Telegrafi/