Zëvendëskryeministri i Kosovës, Hashim Thaçi ka përkujtuar komandantin e shquar të UÇK-së, Mujë Krasniqi, në 17 vjetorin e rënies së tij në kufirin Kosovë-Shqipëri.
“U bënë 17 vjet që nga rënia e komandantit të shquar Mujë Krasniqi dhe 41 pjesëtarëve të Ushtrisë Çlirimtare të Kosovës në kufirin Kosovë-Shqipëri.
Mujë Krasniqi ka dhënë një kontribut të jashtëzakonshëm në forcimin dhe organizimin e brigadave të UÇK-së.
Në kushte të rënda terreni ai dhe bashkëluftëtarët e tij ranë heroikisht në ballë të misionit për lirinë dhe pavarësinë e Kosovës.
Qytetarët dhe institucionet e Kosovës do t’u jenë përjetë mirënjohës dëshmorëve të kombit”, ka shkruar Thaçi në Facebook.