Ministri i Punëve të Jashtme të Kosovës, Hashim Thaçi po qëndron në Strasburg ku edhe është takuar me 13 ambasadorë të misioneve përhershme pranë Këshillit të Evropës.
Thaçi përmes një postimi në Facebook ka theksuar se me ambasadorët ka biseduar për shumë çështje, e njëra ndër to është edhe procesi i liberalizimit, që sipas tij do të ndodhë në vitin 2016.
Lexojeni postimin e plotë të Thaçit:
“Sot në Strasburg takova trembëdhjetë ambasadorë të misioneve permanente pranë Këshillit të Evropës. I informova për zhvillimin e demokracisë në shtetin e Kosovës, për forcimin e rendit dhe ligjit, për afirmimin dhe respektimin e të drejtave të komuniteteve, si dhe për avancimin e mbrojtjes së lirive dhe të drejtave të njeriut. Gjithashtu, me ambasadorët diskutuam edhe për dialogun me Serbinë, zbatimin e marrëveshjeve, nënshkrimin e MSA-së dhe për procesin e liberalizimit të vizave, që do të ndodhë në vitin 2016. HTH” (sic), ka shkruar Thaçi. /Telegrafi/
