Kuvendi komunal i Drenasit ka anuluar propozim-vendimin mbi dhënien në shfrytëzim afatgjatë të një parcele komunale në emër të përfituesit BI “Natyra” me seli në Tërstenik, në të cilën parashihej ndërtimi i një objekti hotelier.

E, anulimi i këtij vendimi ngjalli reagime e tensione të shumta. Nuk munguan as përplasjet mes kryesuesit të kësaj seance dhe asamblistëve. Madje, situata u tensionua aq shumë kur njëri nga asamblistët ia kujtoi kryesuesit Naim Bazajt, se përfitues i asaj parcele prej 20 arësh është vëllai i kryesuesit.

Asamblisti nga radhët e Vetëvendosjes Sokol Bylykbashi e që vije pikërisht nga fshati Tërstenik nuk e ka idenë pse duhet të ndërtohet në fshatin e tij një kishë protestante kur aty nuk ka njerëz të këtij besimi. /Gazeta Tribuna/