Erik ten Hag është paraqitur sot në konferencë për media, ku foli për kundërshtarin e radhës në Premierligë – Manchester Cityn.
Mes tjerash, trajneri i “Djajve të Kuq” u pyet edhe rreth asaj se si do ta ndalin Erling Haalandin, i cili po kalon formë të jashtëzakonshme – transmeton Gazeta Express.
“Ne nuk do të luajmë kundër Haalandit, por kundër Manchester Cityt. Nëse veprojmë si ekip, mund ta mposhtim kundërshtarin tonë”, tha ten Hag.
“Ne kemi besim në aftësitë tona. Ky është besimi që na duhet dhe do të na duhet edhe më shumë të dielën”, shtoi 52-vjeçari.
Kujtojmë se Haaland ka shënuar 11 gola deri më tani me “Qytetarët”, teksa i prin edhe listës së golashënuesve më të mirë në Premierligë.
Ndryshe, derbi i qytetit të Manchesterit do të zhvillohet në “Etihad Stadium”, nga ora 15:00. /Gazeta Express/