Një person është arrestuar në fshatin Budrikë e Epërme të Vitisë për shkak se dyshohet se ka shtënë me armë.

Policia ka bërë të ditur se me këtë rast, si provë materiale janë konfiskuar një armë e llojit AK 47, një karikator dhe 23 gëzhoja, njofton Klankosova.tv.

“Njësitet policore relevante i janë përgjigjur rastit duke arritur që të identifikojnë lokacionin dhe të dyshuarin M.S. (viti i lindjes 1994, mashkull kosovar shqiptar) i cili është arrestuar dhe sjellë në Stacionin Policor në Viti”.

“I dyshuari dyshohet se me armë ka shti në ajër. Me këtë rast si provë materiale janë konfiskuar një (1) armë e llojit AK 47, një (1) karikator dhe njëzet e tri (23) gëzhoja të kalibrit 7.62 mm të cilat do të përdoren dëshmi për gjykatën. I dyshuari me urdhër të Prokurorit të shtetit është ndalur në mbajtje për 48 orë”, thuhet në komunikatën për media.