Festave të fundvitit dhe vizitës së Babadimrit u janë gëzuar edhe disa fëmijë të Komunës së Prishtinës, të cilët sot i kanë vizituar të rinjtë e Partisë Demokratike të Kosovës.

“Kjo iniciativë e këtyre të rinjve kishte për qëllim që edhe këta fëmijë t’i gëzohen festës së Vitit të Ri, sikurse të gjithë fëmijët e botës”, thuhet në komunikatën e PDK-së.

Kryetari i rinisë së PDK-së në degën e Prishtinës, Triumf Sadikaj, për aktivitetin e sotëm tha se “duke ua bërë këtë befasi fëmijëve dhe duke iu shpërndarë dhurata, kanë dashur që ta ndajnë gëzimin e festave të fundvitit me ta”.

Nga rinia e degës së PDK-së në Prishtinë janë ndarë rreth 100 dhurata për këta fëmijë.