Portieri i Juventusit, Wojciech Szczesny, e dinte saktësisht se ku do ta gjuante penalltinë Gonzalo Higuaini, prandaj edhe ishte i suksesshëm në pritjen e saj në fitoren e Juventusit 2-0 ndaj Milanit të dielën në “San Siro”.
Portieri polak e priti penalltinë e ish-bashkëlojtarit të tij duke u gjuajtur poshtë në krahun e djathtë, transmeton Express.
“E njoh atë [Hugiuanin], sepse ai ishte njëri prej ekzekutuesve të penalltive sezonin e kaluar”, tha Szczesny për JTV.
“Vitin e kaluar, si portier i dytë, gjithmonë stërvitesha me të në penallti dhe natyrisht se edhe i kemi studiuar ato”, shtoi ai.
“Vendosa të lëvizja së pari në penalltinë e tij, ai zakonisht i godet ashtu dhe unë shpresoja se nuk do ta ndryshonte këtë herë, gjë që s’e bëri. Jam shumë i lumtur që e prita”, shtoi ai. /Express/
