Sulmuesi i Barcelonës, Paco Alcacer, është afër kalimit te Borussia Dortmundi në formë të huazimit, shkruan Sport Bild.
BVB ka qenë e interesuar për ta përforcuar fazën e sulmit, dhe duket se e ka gjetur lojtarin e duhur, transmeton Gazeta Express.
Lojtari pritet të zyrtarizohet si lojtar i klubit gjerman të dielën.
Ish-lojtari i Valencias iu bashkua Barcelonës në vitin 2016 për 30 milionë euro.
24-vjeçari është paraqitur vetëm 34 herë në këto dy vite me Barcelonën ku i ka shënuar 10 gola. /Gazeta Express/


