Sulmuesi i ri i Atalantas, Duvan Zapata është gati për të luftuar për një vend në garat evropiane në vitin e ardhshëm pas eliminimit në play-off të Evropa Ligës nga Copenhagen.
“Ende është e dhimbshme, por ne nuk duhet të mendojmë më për të”, ka thënë Zapata, transmeton Gazeta Express.
“Ne i kemi aftësitë për t’u kualifikuar përsëri në Evropa Ligë në këtë stinor”.
Kolumbiani po ashtu foli për largimin e tij nga Sampdoria gjatë kësaj vere: “Kisha një marrëdhënie të shkëlqyer me fansat dhe me trajnerin, por më pas vendosi klubi që të më shesë. E dija që jam në shitje dhe Sampdoria nuk bëri asgjë që të më mbaj mua”.
“Atalanta ka qenë gjithmonë zgjidhja e parë, më kërkuan më shumë se çdo kush tjetër. Kam pranuar oferta edhe nga klube të tjera, sidomos nga ato kineze, mirëpo as që i kam konsideruar ato”. /Gazeta Express/


