Sulmuesi i Barcelonës, Luis Suarez, ka thënë se Lionel Messi po ndihet mirë dhe në formë për El Clasicon e parë të sezonit, që do të zhvillohet të shtunën.

Messi ka munguar për Barcelonën që nga 26 shtatori për shkak të një lëndimi në gju, por pritet të jetë i gatshëm për ndeshjen me Real Madridin në Bernabeu, në të cilën pritet të nisë nga banka rezervë.

“Trajneri do të marrë vendimin nëse Messi luan apo jo. Ai po ushtron me skuadrën dhe po ndihet mirë, por duhet të presim deh të shohim”.

“E dimë që Messi mund të ndryshojë lojën në çdo kohë”, ka thënë Suarez në konferencë për media.

Suarez dhe Neymar kanë realizuar 20 nga 23 golat që u shënuan në kohën sa Messi nuk luajti./Telegrafi/