Qendërsulmuesi uruguaian i Barcelonës, Luis Suarez, tregoi se çfarë mund të bëjë në ndeshjen e mbrëmshme kundër Lyonit, kur e la të shtangur mbrojtësin kundërshtar, Marcelo Guedesin.
Suarezi nuk ka qenë në formën e tij më të mirë për shumë ndeshje të këtij sezoni, pasi që paraqitjet e tij kanë qenë herë të mira e herë më të dobëta, transmeton Gazeta Express.
Përkundër që i ka shënuar 22 gola që nga gushti i vitit të kaluar, ish-sulmuesi i Liverpoolit është kritikuar shumë për humbjen e shumë rasteve të tjera të mira për të shënuar.
Për shkak që ai tani është 32-vjeçar, shumë tifozë dhe analistë kishin filluar të dyshojnë nëse Suarezi e posedon edhe tani talentin që e kishte shfaqur në Premierligë dhe sezonet e kaluara me Barcelonën.
Por, mbrëmë, në fitoren 5:1 të Barcelonës, Suarezi mori shumë lëvdata për trikun që ia bëri mesfushorit të Lyonit.
Suarezi i ndihmoi Barcelonës ta sigurojë një vend në çerekfinale, ku mund të përballet me Tottenhamin, Ajaxin, Manchester Unitedin, Porton, Juventusin, Liverpoolin ose Manchester Cityn. /Gazeta Express/