Sterlingu e godet Bonuccin, pasi italiani tha se Kean kishte faj që tifozët bënë thirrje raciste ndaj tij

PUBLIKUAR

Raheem Sterlingu ka reaguar ndaj deklaratës së mbrojtësit të Juventusit, Leonardo Bonuccit, pasi ky i fundit kishte thënë se bashkëlojtari i tij, Moise Kean, ishte pjesërisht fajtor për thirrjet raciste që tifozët e Cagliarit i bënë në drejtim të tij.

Sulmuesi adoleshent i Juventusit, Moise Kean, u bë viktimë e racizmit nga tifozët e pranishëm në tribuna gjatë ndeshjes të së martës kundër Cagliarit, në kuadër të Serisë A, transmeton Gazeta Express.

19-vjeçari i mbajti krahët e ngritur pasi e shënoi golin e dytë në fitoren 2:0 të Juventusit ndaj Cagliarit. A i bëri këtë për të reaguar ndaj thirrjeve raciste në drejtim të tij, mirëpo pas këtij veprimi u përball me abuzim edhe më të madh.

Mbrojtësi italian Bonucci, i cili e shënoi golin e parë të ndeshjes, tha për Sky Sports Italia: “Golat festohen me bashkëlojtarët. Ai mund të kishte festuar ndryshe. Mendoj se faji është 50-50. Moise nuk duhej ta kishte bërë atë dhe tifozët nuk duhej të kishin reaguar në atë mënyrë”.

Tani, pasi i dëgjoi komentet e Bonuccit, Raheem Sterlingu i Manchester Cityt, i cili është përballur me situata të ngjashme me Kean disa herë në karrierën e tij, e ka kritikuar italianin përmes llogarisë së tij në Instagram.

“Faji është 50-50 @bonuccileo19. Gjithçka që mund të bësh është të qeshës”, shkroi anglezi në Instagram, duke ia bashkangjitur këtij teksti disa emotikone.

Pasi Kean shënoi në minutën e 85-të të ndeshjes, loja u ndal për rreth tre minuta dhe një paralajmërim u dha për tifozët. Ky ishte hapi i parë në procedurën prej tre hapave që ndërmerren në raste të tilla. Në fund, nëse këto gjëra dështojnë, skuadrat e lënë ndeshjen.

Bashkëlojtari i Kean në Juventus, Blaise Matuidi, shkoi të protestonte te gjyqtari pas atyre thirrjeve dhe kërcënoi se do ta linte ndeshjen në gjysmë.

Edhe Raheem Sterlingu i Manchester Cityt dhe Anglisë përjetoi abuzim të ngjashëm me Kean në ndeshjen kundër Malit të Zi, në kuadër Grupit A për kualifikim në Kampionatin Evropian 2020. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...