Luciano Spalletti është shprehur i kënaqur me lojën e Romës, përkundër humbjes nga Real Madridi.
“Tifozët e Romës janë mësuar me lojtarë të shkëlqyer, paraqitje të mira dhe momente magjike. Nëse ata kanë duartrokitur, kjo ka ndodhur për shkak se panë një përpjekje të madhe dhe e dinin se ne nuk e arritëm atë që tentuam ta bënim”.
“Real Madridi ka cilësi të mëdha, nëse ua jep një metër hapësirë, ata e bëjnë një kilometër. Në nuk ishim po aq të mirë sa ata”, ka deklaruar Spalletti për Mediaset Premium.
Ai më tej ka theksuar se Roma ishte e pafat dhe se është në rrugë të mirë për t’u bërë skuadër e fuqishme. /Telegrafi/