Roberto Soriano është mesfushori që po kërkon Roberto Mancini për ta forcuar Interin e tij.
Mesfushori italiano-gjerman, Roberto Soriano ka pasur një sezon fantastik me Sampdorian dhe është bërë cak i Interit.
‘Neroazzurrët’, po tentojnë me çdo kusht transferimin e tij, pasi për të ka konkurrencë të madhe nga gjigantët italian.
Milan, Juventus, Napoli dhe Roma janë skuadrat tjera që janë në ndjekje të mesfushorit 24-vjeçar.
Inter po mendon të dërgojë ofertë zyrtare gjatë afatit kalimtar të janarit për reprezentuesin italian, ofertë që duhet të shkojë rreth 20 milionë euro.
Gjatë këtij edicioni, Soriano në 19 ndeshje në Serie A, ka shënuar gjashtë gola dhe ka asistuar në dy të tjerë. /Telegrafi/
