Ylli holandez, Wesley Sneijder gjatë kësaj vere pritet të largohet nga Galatasaray dhe të rikthehet në Serie A.

Sipas ekspertit të transferimeve, Gianluca Di Marzio, ish ylli i Interit është pran transferimit te skuadra e Sampdorias.

Gianluca Di Marzio shkruan se drejtuesit e ekipit nga Serire A dhe agjenti i lojtarit janë takuar mbrëmë në qytetin e Genoas, për ta diskutuar transferimin, përcjell Express.

Thuhet se holandezi do të nënshkruaj kontratë njëvjeçare me klubin nga Serie A. Më herët është thënë se edhe skuadra e Bolognas ka synuar ta transferoj holandezin.

Ish ylli i Real Madridit ka qenë pjesë e Interit mes viteve 2009-2013. Ai me Nerazzurrtë ka hyrë në histori të Italisë duke fituar tripletën në vitin 2010. /Express/