Fillimisht, kryetari i komunës së Lipjanit, Imri Ahmeti, ka falënderuar ministrin Hyseni, për vizitën, dhe duke e njoftuar atë për zhvillimet në komunën e Lipjanit, ka theksuar se çështja e sigurisë në Lipjan , është e qetë dhe stabile, pa ndonjë indikacion të përkeqësimit.

Ndërsa si shqetësim, kryetari Ahemti, theksoi çështjen e statusit të zjarrfikësve, mjetet e punës të tyre të vjetra si dhe zgjidhjen e mëditjeve për mbledhjet që mban KKSB.

Në anën tjetër, Ministri i Punëve të brendshme, Skender Hyseni, ka premtuar bashkëpunim si dhe është zotuar se Policia e Kosovës është e gatshme në çdo moment që të ju përgjigjet kërkesave të qytetarëve, në mënyrë që të evitohen rreziqet e mundshme nga faktorë të ndryshëm.

Po ashtu, ministri Hyseni, ka folur edhe për rëndësinë jetike që ka Këshilli Komunal për Siguri në Bashkësi, i cili është funksional dhe mban takime të rregullta me kryetarin e komunës.

“ Është me rëndësi jetike që Këshilli Komunal për Siguri në Bashkësi është funksional dhe aty adresohen të gjitha shqetësimet pa përjashtim që mund të kenë qoftë individët, qoftë komunitetet e ndryshme , tha ministri Hyseni

Komandanti i Stacionit Policor në Lipjan, Imer Kaçova, gjendjen e sigurisë e vlerësoi të qetë, nëpërmjet raportit zyrtar, të cilin e prezantoi gjatë këtij takimi.

Ndërsa, kryetari i Këshillit të Bashkësisë Islame në Lipjan, Vehbi Gajtani, tha se me kontakte të vazhdueshme që kemi me gjitha institucionet komunale, me kryetarin e komunës, kemi arritur të ndërtojmë raporte pozitive me gjitha komunitetet që veprojnë në komunën e Lipjanit, njofton kkLipjan