Lumi Sitnica do të pastrohet dhe thellohet nga viti i ardhshëm nga një projekt i përbashkët i Ministrisë së Mjedisit dhe Planifikimit Hapësinor dhe Komunës së Lipjanit, transmeton Klan Kosova.

Në projekt përveç komunës së Lipjanit të përfshira janë edhe ajo e Ferizajt e Graçanicës, thuhet në komunikatën e Misitrisë.

Kjo u bë e ditur gjatë një takimi që u zhvillua në MMPH, në mes ministrit Ferid Agani dhe kryetarit të Komunës së Lipjanit, Imri Ahmetit.

Projekt tjetër i përbashkët që do të realizohet është edhe ai për rregullimin e shtratit të lumit në fshatin Gadime, që përshkon Shpellën e Gadimës, e që është një monument i mbrojtur me vlera të veçanta të natyrës.

Po ashtu do të investohet edhe në infrastrukturën e jashtme të shpellës.

Një investim i tillë u cilësua si tejet i rëndësishëm, pasi shpella e Gadimës është një vend turistik shumë i frekuentuar.