Argjentinasi do ta merr dyfishin e pagës nëse pranon të drejtojë skuadrën e Chelseat në sezonin e ri të Ligës Premier.
Diego Simeone ka informuar Atletico Madridin se do të largohet nga klubi në fund të sezonit për të marrë drejtimin e Chelseat, sipas OK Diario.
Argjentinasi – i cili fitoi me Rojiblancos titullin në La Liga dhe ishte në finalen e Ligës së Kampionëve në vitin 2014 – ka qenë prej kohësh trajneri i preferuar i pronarit, Roman Abramovich pas shkarkimit të Jose Mourinhos, transmeton Telegrafi.
Magnati rus, Abramovich i ka ofruar një pagë vjetore prej 12 milionë euro argjentinasit nëse do të merr drejtimin e kampionit aktual anglez.
Kujtojmë se paga aktuale e ish-futbollistit të Interit kap shifrat së bashku me bonuset rreth 5.2 milionë euro. /Telegrafi/