15 tetor 2014- KKSB- i përbërë nga përfaqësues të RAE nga Magura, bashkësive fetare, të bizneseve, policisë lokale, përfaqësuesve të komuniteteve kroate në Janjevë, përfaqësuesve të komunitetit turk , sot ka mbajtur mbledhjen e katër me radhë.
Situata e sigurisë në komunën e Lipjanit, u vlerësua e qetë nga Këshilli Komunal për Siguri në Bashkësi, që njëherit u kryesua nga kreu i Komunës së Lipjanit, Imri Ahmeti.
Përveç pikave të tjera të rendit të ditës, KKSB me theks të veçantë ka diskutuar , për pikën e tretë me radhë- “ Raporti për gjendjen e sigurisë në Komunën e Lipjanit ( PK, DMSh)
Kryetari Ahmeti tha se, në të gjitha rastet që e bëjnë komponentin e sigurisë, që ka komuna me strukturat e veta, janë mekanizma të fuqishëm për sensibilizimin e sigurisë në komunën e Lipjanit.
Imer Kaqara- komandat në stacionin policor të Lipjanit, ka thënë se gjendja e sigurisë në komunën e Lipjanit nuk tregon ndonjë shqetësim, përderisa ka dhënë edhe raportin e detalizuar për periudhën Janar-shtator 2014 ( raport analitik mujor krahasues).
Ndërsa diskutuesit dhanë raportimet dhe rekomandimet e veta përgjatë kësaj periudhe raportuese. Ndër të tjerash në këtë takim anëtarët e KKSB-së ,thanë se detyrë permanente është zgjidhja e problemeve, parandalimi i dukurive negative, vetëdijesimi i qytetarëve për një jetë më lehtësuese dhe më të mirë, njofton komuna e Lipjanit.