Pas sulmeve terroriste në Turqi e së fundmi edhe në Bruksel, Policia e Kosovës ka shtuar masat e sigurisë në gjithë vendin.

Zëdhënësi i policisë, Baki Kelani tha se masat e sigurisë janë shtuar edhe në Aeroportin e Prishtinës “Adem Jashari”, duke angazhuar edhe njësitë relevante, përfshirë edhe ato me qen.

Kelani theksoi se deri në këtë fazë nuk ka vend për të krijuar panik tek qytetarët, pasi që kanë marrë masat për parandalimin e çdo incidenti të mundshëm.

Ndërkohë, për ekspertë e çështjes së sigurisë në vend, Kosova është në një shkallë më të ulët të rrezikut nga sulmet terroriste, krahasuar me vendet kryesore evropiane. /GazetaTribuna/