Deputeti i PDK-së, Shukri Buja, dhe zëvendësministri i Financave, Agim Krasniqi janë përplasur me vete për çështjen e veteranëve të UÇK’së dhe për Buxhetin. Buja ka thënë se numri i veteranëve është rritur dhe sipas tij për këtë duhet të jap përgjegjësi dikush. Derisa, Krasniqi duke e mbrojtur buxhetin e Qeverisë ka thënë se veteranët do t’i marrin pensionet e tyre pa problem.
“Numri i veteranëve është rritur tepër. Mua numri i tyre më është rritur për dhjetëra persona. Ata duhet të verifikohen, dhe të dihet se cili është numri i saktë dhe të marrin pensionet me meritë”, ka thënë Buja, derisa ka akuzuar Qeverinë se nga rritja e numrit të tyre po rrezikohet edhe buxheti,

Por, me këtë konstatim nuk është pajtuar zëvendësministri Agim Krasniqi. Ai ka thënë se Qeveria është duke bërë çmos që pensionet për veteranë të sigurohen.

“Nuk ka rrezik të buxhetit. Ai do të miratohet dhe veteranët do t’i marrin pensionet e tyre”, ka thënë Krasniqi në RTK.

Buja gjatë tërë kohës ka akuzuar Qeverinë e Kosovës se u ka vështirësuar jetën qytetarëve të Kosovës. /Express/