Parkimet e veturave në vende publike në Prishtinë i ka shqetësuar edhe studentët e arkitekturës. Disa nga ta kanë vendosur të protestojnë sot në rrugën “Rexhep Luci”.

Studentët protestën e tyre e kanë bërë duke përforcuar gjera të ndryshme në trotuar. Disa kanë luajtur shah, disa janë shtrirë në dyshek të improvizuar. Derisa ata thonë se ne këto hapësira duhet të intervenoj edhe kryeri i komunës së Prishtinës.

E, përveç kësaj ata kanë vendosur edhe një lloj pyetësori për qytetarët me fotografi të ndryshme, në të cilat janë paraqitur gjelbërime, fontana e gjera të tjera. Organizatorët kanë thënë se me anë të këtij pyetësori dëshmojnë të dinë se çka duan qytetarët në këtë hapësirë në vend të parkingu të veturave.