Nëntë ndeshje nga fundi i Ligës Premier dhe Leicester City vazhdon të prijë në vendin e parë.

Claudio Ranieri së bashku me lojtarë si Jamie Vardy, Riyad Mahrez dhe N’Golo Kante janë gati të shndërrojnë sensacionin anglez në një realitet befasues.

Një ndër lojtarët më të rëndësishëm për klubin anglez, është edhe mesfushori Kante, por emri i tij për dallim nga Vardy dhe Mahrez, nuk është lakuar edhe shumë në media.

Kante vazhdon të jep një kontribut të madh për ‘Dhelprat’ që nga ardhja e tij nga Caen.

Gjatë kohës sa ishte te klubi francez, sipas gazetës spanjolle El Pais, Real Madridit i ishte rekomuar që të blinin mesfushorin, por Los Blanos kishin hedhur poshtë këtë ide, me arsyetimin se ai “Nuk do të bëhej kurrë një lojtar cilësor”.

Pas paraqitjeve të mira në Ligën Premier, Kante, është shndërruar në një nga lojtarët më të mirë në Evropë në rolin e tij. /Telegrafi/