Sot bëhet spërkatja e parë kundër mushkonjave për këtë vit

Dezinfektim me aeroplan kundër mushkonjave do të realizohet sot në Shkup, ndërsa nesër do të zbatohet dezinfektimi terestrik, transmeton Telegrafi Maqedoni.

Qyteti i Shkupit informon se dezinfektimi i parë aerosol (me aeroplan) për këtë vit do të realizohet prej orës 6 deri në orën 12. Do të përfshihen të gjitha vendet moçale, kanalet dhe sipërfaqet ekzistuese të ujit në Shkup dhe rrethinë, si dhe rrjedha e lumit Vardar.

Dezinfektimi i parë për këtë vit, do të realizohet nga ora 9 deri në orën 17. Do t’i përfshijë të gjitha sipërfaqet ekzistuese të ujit në Shkup (kanale, liqene në parkun e qytetit, liqeni Treska dhe në rrjedhën e lumit Vardar).

Informohet nga Qyteti se përderisa kushtet e motit nuk lejojnë, dezinfektimi me aeroplan kundër mushkonjave do të bëhet në ditët e ardhshme, në kohën e njëjtë.

Autoritetet e qytetit apelojnë te bletarët me kohë t’i ndërmarrin masat e nevojshme për mbrojtje të bletëve. /Telegrafi/