Presidenti i zgjedhur në SHBA, Donald Trump, iu është kundërpërgjigjur pretendimeve të kampit të rivales Hillary Clinton për rinumërim votash, duke thënë se ai do fitonte edhe votën popullore po të mos ishte për miliona njerëz që kanë votuar në mënyrë të paligjshme.

Mediat thonë se pretendimet e tij janë të vakëta, kurse Shtëpia e Bardhë deklaroi se nuk ka asnjë provë që i mbështet deklaratat e Trump.

Trump fitoi votën e kolegjeve, por nuk fitoi votën popullore.

Që përpara se të votohej, ka pasur pretendime se këto zgjedhje mund të manipulohen.

Më së shumti është folur për mundësinë që hakerat të ndërhyjnë në sistemin e votimeve, përcjell mapo.al.