Sot u shënua 67 vjetori i themelimit të Universitetit “Shën Kirili dhe Metodi”, ç’rast janë organizuar disa aktivitete dhe vendosja e kurorave të lules para bustit të Shën Kirilit dhe Metodit para rektoratit, transmeton Telegrafi Maqedoni.
Sipas TV 21, rektori i këtij universiteti, Velimir Stojkovski tha se me rastin e këtij përvjetori do të ndahen dy tituj nderi, doktor nderi të shkencave për profesoreshën gjermane EvaMari Hej Hokins – prodekane e Universitetit të Lajpcigut dhe profesoresha Irene Marta Lang nga Universiteti i Vjenës.
Rektori Stojkovski tha se ky universitet me 60 mijë studentë, 23 fakultete dhe 3300 të punësuar vazhdimisht është përballur me situata të ndryshme dhe gjithmonë është tentuar për të dalë me ndonjë zgjidhje dhe për të vazhduar rrugën e ndjekur tashmë 67 vite.
