Shefi i Bayernit për pagën e Griezmann: Ne s’marrim pjesë në çmenduri të tilla

PUBLIKUAR

Shefi ekzekutiv i Bayern Munich, Karl-Heinz Rummenigge, ka hedhur kritika të ashpra ndaj klubeve kryesore evropiane për pagat e larta që po ua ofrojnë futbollistëve.

Duke e drejtuar gishtin kah La Liga, Premierliga dhe Serie A, si dhe duke iu referuar një shembulli specifik, Antoine Griezmannit, shefi i kampionit gjerman shprehi shqetësimet e tij, transmeton Gazeta Express.

“Nuk jam i brengosur vetëm për çmimet e blerjeve të lojtarëve, sepse 100 apo 120 milionë euro nuk është asgjë e veçantë në ditët e sotme”, tha Rummenigge për gazetën gjermane Bild.

“Jam shumë më i brengosur për pagat që po paguhen, veçanërisht në Spanjë, Angli dhe Itali. Trendi po shkon drejt pagave neto. Duhet të jemi të kujdesshëm për të mos e destabilizuar strukturën e pagave. Pagat janë tejet të larta”, shtoi ai.

Më pas, Rummenigge e mori shembull sulmuesin francez që iu bashkua këtë verë Barcelonës nga Atletico Madridi.

“Shikoje për shembull Griezmannin dhe pagën e tij që vlen miliona euro në vit dhe paguhet neto. Të gjitha këto paga duhet të shumëzohen me dy sepse klubet po i paguajnë edhe taksat. Bayern Munich nuk do të marrë pjesë në çmenduri të tilla”, theksoi ai. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...