Ata kanë mentalitet për të shkuar deri në finale
Një vend në 1/8-ën e finales në Katar i ka dhënë Kombëtares së SHBA shumë besim për ndeshjen e së shtunës kundër Holandës, në të cilën kombëtarja e yjeve dhe shiritave nuk do të jenë favorit.
“Është një mundësi e madhe. Por, jo diçka që ne hymë në të sa për të qenë”, tha trajneri i SHBA-së, Gregg Berhalter në Al Thumama. “Ne e kemi merituar fitoren dhe pozitën dhe ne tani dëshirojmë të shkojmë përpara. Ne nuk do të shkojmë në shtëpi këtë të diele”, komentoi ai.
Ndeshja kundër Holandës do të jetë shumë speciale
“Për ne ka qenë sfidë kthimi në këtë lojë dhe përgatitja për të luajtur kundër një skuadre shumë të mirë holandeze, me një trajner të mirë, me një ton kualitet në çdo pjesë të fushës”, shtoi Berhalter.
Për mbrojtësin Walker Zimmerman, skuadra kanë për qëllim të shkojë në finale. “Më shumë është punuar të dalim nga grupo, për shkak se ne i kemi ditur hapat e ardhshëm. Kjo është mënyra e vetme për ta fituar Botërorin, të dilni nga faza e grupeve. Kjo ka qenë detyra e parë”.
“Por, kemi shumë më tepër nga ky grup, më shumë se kemi pritur nga kjo skuadër. I tërë ambienti që na rrethon, ne nga fillimi kemi thënë, ne nuk do t’i paketojmë gjërat sepse ne do të jemi këtu deri më 19 dhjetor (një ditë pas finales) në kokën tonë. Ne dëshirojmë që kjo të ndodh. Për ta bërë këtë, ne duhet ta luajmë një ndeshje në këtë kohë. Por, ne sigurisht nuk po mendojmë që të luajmë me paratë e shtëpisë”.
Ata kanë kualitetin e duhur për t’ia dalë në ndeshjen e së shtunës
Pas fazës së vështirë të grupeve, trajneri Berhalter ka pushuar futbollistët e tij, të cilët janë të motivuar për t’u përballur me njërin nga Kombëtaret favorite për ta fituar Botërorin.
“Është një mundësi e mirë për ne. Do të jetë një ndeshje e pabesueshme”, tha Tyler Adam. “Natyrisht, ne kemi bërë një garë të mirë këtu dhe kemi luajtur me Kombëtare si Angli; Holanda mund të jetë një tjetër favorit si ata për ta fituar Botërorin”.
“Ata ia kanë dal shumë mirë në fazën e grupeve deri me tani, kanë futbollistë të jashtëzakonshëm, ne do të jemi gati për këtë lojë. Por, mendo se ne po shijojmë këtë moment, ne kemi kohë që të relaksohemi dhe rikuperohemi, të fokusohemi mentalisht”. /GazetaExpress/
