Zvicra doli me një pikë të çmuar nga ndeshja e parë e këtij Botërori, ndaj Brazilit të fortë, që konsiderohet favorit kryesor për të triumfuar në Rusi.

Pas duelit pati mjaft polemika mbi golin e shënuar nga helvetët, teksa brazilianët pretendojnë për faull ndaj Mirandës.

Xherdan Shaqiri tha pas ndeshjes: “Është shumë për të thënë se ishte faull. Në çdo lojë ka të tilla prekje të vogla. Ky është futboll. Ju nuk mund të qëndroni pa e prekur pak kundërshtarin”.

Derisa foli edhe trajneri, Vladimir Petkovic.

“Ishte një gol i rregullt, një duel i rregullt. Ju shikoni për të krijuar hapësirë, për të pasur mundësi. brojtësi nuk ishte i pozicionuar mirë. Gjyqtarët e VAR-it, gjithashtu, mbajnë një sy te procedurat”. /Gazeta Express/