Mesfushori kosovar, Xherdan Shaqiri i cili u transferua në Stoke City gjatë verës që lamë pas ka folur për Ligën Premier.

Shaqiri ka deklaruar se për të është e rëndësishme të vazhdoj të punoj edhe më shumë, pasi mezi pret të shënoj golin e parë.

“Mezi po pres të shënoj golin tim të parë. Për mua është e rëndësishme të punoj për ekipin e parë dhe pas kësaj ne do të shohim”.

“Mendoj që secilit lojtar i merr kohë deri sa të adaptohet te një skuadër e re, pasi që futbolli anglez është ndryshe nga ai italian dhe gjerman. Gjithsesi unë jam i lumtur që jam pjesë e Ligës Premier” ka thënë Shaqiri.

Kujtojmë se Xherdan Shaqiri ishte kritikuar shumë për kalimin e tij nga skuadrat e mëdha si Bayern Munchen dhe Inter drejt Stoke City.

Gjithsesi mbetet të shihet nëse Shaqiri e ka bërë zgjedhjen e duhur me kalimin e tij në Ishull. /Telegrafi/