Petrit Selimi, zëvendësministri i Punëve të Jashtme të Kosovës, ka thënë se Partia Demokratike e Kosovës dhe Lidhja Demokratike e Kosovës, mund të shkojnë në zgjedhje të përbashkëta elektorale në rast se vije puna që të kemi zgjedhje të jashtëzakonshme.
Ai në emisionin Info Magazine në Klan Kosova, ka thënë se opozita nuk i ka të qarta kauzat e tyre dhe se po i ndërrojnë herë pas herë.

“Opozita do të thotë që dy marrëveshjet nuk po na interesojnë, por ne do të hyjmë në zgjedhje me një listë të përbashkët. Opozita e ka harruar marrëveshjen e Demarkacionit dhe Asociacionit, tash po thotë që nuk janë me rëndësi, por po duan zgjedhje. Nëse ata kërcënojnë se duhet patjetër me të kemi zgjedhje nuk është larg mendjes që PDK dhe LDK, të hyjnë me një listë të përbashkët, sepse janë të dy parti të djathta”, ka thënë Selimi.