Legjenda e Manchester Unitedt, Paul Scholes, është i zhgënjyer pse klubi nuk u angazhua sa duhej për transferimin e Toni Kroos.

Mesfushori i Bayern Munichut ka qenë shënjestër e Djajve të Kuq, mirëpo destinacioni i tij duket se do të jetë Real Madridi.

“Më pëlqen ta shoh Toni Kroosin. Mendoj se ai është brilant”.

“Më pëlqen mënyra se si e kontrollon topin dhe e kontrollon lojën. Ai mund të dërgojë një pasim të bukur dhe ka një vizion të shkëlqyer”.

“Kroos po ashtu ka aftësi për të shënuar gola, nga jashtë zone me të dyja këmbët”.

“Do të doja që Unitedi ta kishte transferuar. Është gjë e mirë që United po sjell lojtarë të rinj, por ende nuk e ka transferuar dikë me cilësitë e Kroos”, ka shkruar Scholes në blogun e tij./Telegrafi/.